Американскиот претседател Џо Бајден ненајавено пристигна во главниот град на Украина, каде што се сретна со украинскиот претседател Зеленски. По тој повод најави нов пакет воена помош за Украина во вредност од 500 милиони долари и нови санкции против руските елити.
„Њујорк тајмс“ пишува дека Бајден во Киев пристигнал со воз. Возењето од полската граница до Киев траел неколку часа, а посетата е опишана како „демонстрација на решителноста на администрацијата на Бајден“.
🇺🇸Welcome back to Kyiv, Mr. President!
🇺🇦З поверненням до Києва, пане Президенте! pic.twitter.com/NnBCB33V8N
— Ambassador Bridget A. Brink (@USAmbKyiv) February 20, 2023
Посетата беше спроведена во целосна тајност од безбедносни причини, а претставници на Белата куќа со денови негираа дека Бајден планира да ја премине украинската граница.
Бајден пристигна во украинската престолнина еден ден пред најавениот голем говор на рускиот претседател Владимир Путин, во кој се очекува да ги изнесе целите на Русија за втората година од инвазијата. По Киев се очекува Бајден да ја посети и Полска.
