Украинскиот претседател Володимир Зеленски побарал да организира телефонски разговор со Џозеф Бајден, но разговорот не се одржал, јавува телевизијата „Си-Ен-Ен“. Тој побарал разговор веднаш по ракетниот инцидент на територијата на Полска.
„Бајден и Зеленски не разговараа во вторникот вечерта, без оглед на барањата на украинскиот лидер да го организира тоа. Американскиот претседател не разговараше директно со Зеленски ниту во средата“ – пренесува телевизијата.
Повикувајќи се на добро информирани извори, медиумот објави дека Џејк Саливан, советникот за национална безбедност на американскиот претседател, откако Зеленски ја обвини Русија за ракетниот инцидент, предложи Киев да биде повнимателен кога го коментира инцидентот во Полска.
„Околу еден час откако стана познат инцидентот, Воладимир Зеленски во вечерното видео обраќање изјави дека „руски проектили паднале врз Полска“. Саливан брзо се јавил во канцеларијата на Зеленски по тие изјави и апелирал до официјалните лица да зборуваат повнимателно за инцидентот“, пренесува американската телевизија.
