Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања во средата навечер.
На донаторска вечера пред публика составена претежно од Азиски Американци, Бајден рече дека претстојните избори во САД се за „слобода, Америка и демократија“ и дека економијата на земјата напредува „поради вас и многу други, бидејќи САД ги поздравуваат имигрантите“.
– Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат – додаде американскиот претседател.
На овие зборови на Бајден досега не реагираа ниту јапонската ниту индиската влада.
