Охриѓанка доби тешки телесни повреди во сообраќајна несреќа што се случи на магистралниот пат Охрид – Кичево.
„На 22.3.2023, во 12.30 часот, во СВР Охрид било пријавено дека на магистралниот пат Охрид – Кичево, во близина на влезот за с. Климештани, општина Дебрца, патничко возило ‘опел’, со охридски регистарски ознаки, управувано од С. М. (60) од Охрид, излетало надвор од коловозот. Во несреќата тешки телесни повреди добила сопатничката Ф. Х .А. (62) од Охрид констатирани во болницата „Св. Еразмо“ во Охрид“, соопшти МВР.
Увид на местото извршила полициска екипа.