Три лица загинаа, а едно лице е повредено денеска кога мал авион падна на голф терен во Норт Миртл Бич, Јужна Каролина.
Очевидец опишал на социјалните мрежи како тој и неговата сопруга виделе како авионот спирално паѓа додека стоеле на црвено светло на семафорот на улицата.
„На жената и го покажав авионот што паѓаше пред нас и по неколку секунди почна да издува чад“ рекол очевидецот.
„Возилата за итни случаи набрзина поминаа покрај нас и сето тоа се случи додека чекавме да се смени светлото на семафорот“, кажа тој.
Фотографиите и видеата објавени на социјалните мрежи покажуваат чад како се издига над теренот за голф.
