Италијанскиот фудбалски калчолигаш Аталанта го совлада новиот германски шампион Баер Леверкузен (3:0) и го освои трофејот во Лига Европа. Ноќ за паметење во Даблин имаше Адемола Лукман кој ги постигна трите гола, со кои беше прекината низата од 51 натпревар без пораз на „фармацевтите“. Лукман погоди двапати во текот на првото полувреме, а Леверкузен не успеа да го возврати ударот и не беше најдобра во првите 45 минути. Избраниците на тренерот Чаби Алонсо не ги оправдаа очекувањата ниту во вториот дел од мечот. Лукман во 75 минута ги постави конечните 3:0 и ги урна сите надежи дека Баер сепак може да се врати во игра и да го избегне поразот како што успеваше сезонава по негатива од два гола. Ова е прв натпревар сезонава на кој не постигна гол, па поразот беше неминовен. Тренерот на тимот од Бергамо, Џан Пјеро Гасперини како награда за осумгодишната работа се израдува на првиот освоен трофеј со Аталанта.
Аталанта го растури Баер за трофејот во Лига Европа
