Француската мегаѕвезда Килијан Мбапе доби ултиматум од ПСЖ да потпише нов договор до крајот на јули или ќе биде продаден ова лето. Реал Мадрид е неговата дамнешна желба за нова дестинација, но медиумите на Островот откриваат дека тој не би имал ништо против да заигра и за Арсенал.
Британскиот „Индепендент“ објави дека Мбапе го претпочита Арсенал од англиските клубови, иако понуда се подготвува да испрати и Ливерпул.
Пари Сен Жермен за него ќе бара отштета од 200 милиони евра, а и годишната плата на Килијан Мбапе ќе биде големо оптоварување на буџетот за секој клуб. Но, со него во тимот Арсенал сигурно би бил можеби и прв фаворит за титулата.
