Утрински Весник
Магазин

Аронијата го намалува лошиот холестерол

E39832f5f23a2db2c1a9.jpeg

Лековитите својства на аронијата на Индијанците им се познати со векови, а аронијата како лек дури неодамна се здоби со популарност во современото општество. Неговите лековити својства во моментов нашироко се проучуваат во лаборатории ширум светот.

Аронијата или сибирска боровинка е листопадна грмушка по потекло од Северна Америка, таа пристигнала во Русија (Сибир) дури кон крајот на 19 век, а потоа и во земјите од Централна и Источна Европа.

Малите темни бобинки од растението аронија меланокарп се преполни со хранливи материи и антиоксиданси, како што се витамин Ц и антоцијанин, така што тие нудат мноштво придобивки за оние кои сакаат да го подобрат своето здравје преку поздрава исхрана.

Антоцијанинот е одговорен за намалување на оксидативниот стрес во мозочните клетки што предизвикува деменција и Алцхајмерова болест.

Ги зајакнува крвните садови

Познато е дека бобинките од аронија ја подобруваат циркулацијата на крвта, ги зајакнуваат крвните садови и го намалуваат ризикот од срцеви заболувања. Слободните радикали се причина за разни болести во организмот, а аронијата може да го спречи нивното настанување, како и појава на болести како дијабетес и други кардиоваскуларни заболувања.

Зрелите плодови од аронија содржат големо количество феноли, кои го дезинфицираат крвотокот и телото, го поттикнуваат зараснувањето на раните, ги отстрануваат токсините од крвотокот, го намалуваат воспалението, ја подобруваат еластичноста на крвните садови и го спречуваат нивното затнување.

Го намалува лошиот холестерол

Многу истражувања го докажале благотворното дејство на аронијата врз кардиоваскуларниот систем. На крајот од студијата, учесниците во студијата кои консумирале аронија имале намален ризик од кардиоваскуларни болести, намален крвен притисок, намалено ниво на ЛДЛ (лош холестерол) и мноштво други здравствени придобивки.

Друга голема придобивка од конзумирањето на аронија е одржувањето на добро здравје на уринарниот тракт. Милиони луѓе ширум светот секојдневно страдаат од инфекции на уринарниот систем, а една од најголемите причинители е ешерихија коли. Симптомите вклучуваат често мокрење, болка при мокрење и заматена урина.

Познато е дека брусницата е ефикасна во борбата против уринарните инфекции, но студиите покажуваат дека бобинките од аронијата се пет до десет пати поефикасни, поради поголемата доза на кининска киселина, за која е докажано дека спречува инфекции на уринарниот тракт.

Јадењето бобинки е еден од најдобрите начини да го намалите ризикот од рак, а аронијата може да биде крајниот победник кога станува збор за храната за борба против ракот.

Аронијата ги штити очите

Аронијата е богата и со флавоноиди, како лутеин и зеаксантин, кои ги штитат очите од макуларна дегенерација и воспаление на очите поврзана со стареењето.

За разлика од другите макронутриенти (јаглехидрати, масти и протеини), нашето тело не ги вари влакната, а 100 грама суви бобинки од аронија имаат дури 16,9 грама влакна.

Затоа, аронијата поминува низ дигестивниот систем релативно недопрена, поради што го подобрува здравјето на цревата и спречува запек, а исто така влијае на губење на тежината (во комбинација со физичка активност и здрава исхрана), како и на намален ризик од проблеми со шеќерот во крвта.

Аронијата традиционално ја користеле Индијанците од Потаватоми за лекување на настинки, бидејќи е корисна против бактерии и вируси и го зајакнува имунолошкиот систем. Доколку вашата исхрана вклучува редовно консумирање аронија, бидете сигурни дека ќе избегнете настинки и грип.

Можете да прочитате

Украдената слика на Тицијан, пронајдена на автобуска станица во Лондон

Американскиот натпревар во јадење хотдози во живо на Нетфликс

Четиригодишно девојче се здобило со изгореници додека пливалo во море во Грција