Во јужноамериканските квалификации за СП 2026 година, Парагвај синоќа со 2-1 ја победи против Аргентина, која и покрај поразот остана прва на табелата, додека Бразил ремизираше 1-1 со Венецуела.
Светскиот првак поведе на гостувањето во Асунсион во 11. минута со голот на Лаутаро Мартинез, но Парагвај дојде до резултатски пресврт преку Тони Санабрија (19) и Омар Алдерете (47).
За Парагвајците ова беше прва победа на домашен терен над Аргентина по 15 години.
Петкратниот светски шампион Бразил одигра нерешено на гостувањето во Венецуела, откако играчот на Реал Мадрид, Винисиус Јуниор промаши пенал за победа.
Бразил дојде во водство со голот на Рафиња од слободен удар, а Теласко Сеговија донесе бод за Венецуела.
Еквадор на домашен терен ја совлада Боливија со 4-0.
Утре на програмата се дуелите Перу – Чиле и Уругвај – Колумбија.
Аргентина води на табелата со 22 бодови, три повеќе од второпласираната Колумбија, која има натпревар помалку, а пет повеќе од Бразил на третото место.
“I’ll do it 10x if I have to. They’re not ready” 🤡
This Vinicius brother missed the rebound as well
pic.twitter.com/AqyzB0mFJS— Jacky (@MCFC_Jacky) November 14, 2024
