Шкупи го доведе првото засилување за новата сезона. Младинскиот репрезентативец Арби Воша доаѓа од Македонија ЃП и потпиша тригодишен договор со клубот од Чаир.
„Дојдов во тимот кој е повеќекратен шампион на земјата и освојувач на неколку титули во Купот. Посебно е чувството да се носи овој дрес, знаејќи дека во минатото многу легенди и големи имиња играле на овој стадион. Искрено, имав понуди од неколку клубови, но срцето ми рече да го носам дресот на Шкупи. Сакам да играм неколку години во овој тим, за да направам уште поголем напредок во кариерата“, изјави Арби Воша по потписот на договорот со Шкупи.
Тимот од Чаир веќе ги започна подготовките за новата сезона во која ќе настапува во квалификациите за Конференциската лига на УЕФА.
