Во интервју за 24инфо.мк независниот кандидат за градоначалник на Ѓорче Петров, поддржан од коалицијата ЛДП/ГРОМ, Љупчо Јаневски – Састав го најави својот концепт за развој на општината.
„Мојата визија е Ѓорче Петров да биде развиено со мали бизниси, а руралниот дел како Стопански двор, Кучково, Грачани, Орман да биде полн со еко туристички капацитети, мали винарии и селски домаќинства“ вели Јаневски.
Според него во тој предел на општината постојат сите предуслови да се изградат мали семејни винарии, туристички комплекси, но и цели селски домаќинства со сместувачки капацитети што ќе значи збогатување на туристичката понуда не само на Ѓорче Петров, туку и на Скопје.
„Тоа според мене е рецептот по кој Ѓорче може и треба да се развива, рецептот што ќе ги задржи младите тука, но истовремено ќе привлече и млади претприемачи од други општини, градови, па зошто да не и други држави“ посочи Јаневски.
