Тренерот на Реал Мадрид, Карло Анчелоти, по ремито (1:1) со Џирона, го истакна незадоволството од судењето, смета дека судијата измислил пенал за противникот, а не е сигурен дали исправно е поништен голот на Родриго.
„Никогаш не го коментирам судењето, но сега морам да го направам тоа. Првата ситуација е сосема јасна, не е пенал затоа што не ја допира топката со рака. Зборував со Асенсио и тој вели дека топката го удрила во градите. Вистина е дека левата рака е во малку чудна положба. Ако ја допре топката со рака може да има сомнеж, но тој едноставно немал контакт. Измислија пенал. Втората ситуација е малку подискутабилна, правилото е јасно, немаше јасна контрола, но таму можеш да кажеш свое мислење. Нема да дискутирам за тоа. Она што ме изненадува е пеналот, кој дојде во важен момент од играта, не чинеше многу. По оваа ситуација имаме два бода помалку на табелата“, изјави Анчелоти.
Реал и покрај овој кикс остана лидер на табелата, но сега има само бод повеќе од Барселона.
