Уредничката на „Вог“, Ана Винтур, навидум ја потврди својата романса со Бил Нај кога пристигна рака под рака со британскиот актер на „Мет гала“ во понеделникот вечерта.
Фотографии од парот осамнаа на насловните страници на светските шоу-биз медиуми. „Официјално е!!“, Бил е во ‘Вог’“, „Британецот успеа да ѝ го стопи срцето на ледената модна кралица“, беа некои од коментарите.
Ана и Бил, обајцата по 73 години, првпат ги поттикнаа шпекулациите дека се пар во 2021 година кога уживаа во заеднички романтични вечери во Италија.
Тие беа видени заедно и на проекцијата на неговиот филм Living in New York минатиот декември, а нивното заедничко пристигнување на најважниот моден настан во светот се чини како јавна потврда за нивната врска, пишуваат светските шоу-биз медиуми.
Славната уредничка, која е домаќин на „Мет гала“ речиси 30 години, на себе има фустан „Шанел“, а актерот се одлучи за едноставен темен костум. Креацијата што ја избра Винтур е фустан со блескави сребрени украси, златни и виолетови детали.
Таа цврсто се држи за неговата рака додека позираат пред фотографите.
