На железничката станица во Амстердам денеска сообраќајот беше во прекин поради експлозија на банкомат.
Портпаролот на локалната полиција изјави дека разбојниците предизвикале експлозија во продавницата за билети на станицата Амстердам Зуид околу 4:10 часот и дека никој не е повреден, пренесува NL Times.
Полицијата ја опколи станицата, Службата за уништување експлозивни направи на холандското Министерство за одбрана и форензичарите се на терен за да го испитаат инцидентот, но се уште не е потврдено дали сторителите украле нешто.
Портпаролот на полицијата изрази очекување дека патничките железнички услуги ќе се вратат на нормалниот возен ред за време на шпицот и ги повика патниците да ги следат информациите за возниот ред пред да патуваат.
Во меѓувреме, патниците до и од Амстердам Зуид можат да го користат метрото, автобусите и трамваите, кои сообраќаат редовно.
