Утрински Весник
Свет

Американскиот новинар Такер Карлсон во Москва, вели направил интервју со Путин

Picture 361 660x500 1.jpg

Поранешниот водител на Фокс њуз и десничарски коментатор Такер Карлсон синоќа соопшти дека добил ретко интервју со рускиот претседател Владимир Путин.

Тој дополни дека интервјуто ќе биде објавено на мрежата Икс, но не кажа кога. „Вечерва сме во Москва.

Тука сме да го интервјуираме претседателот на Русија, Владимир Путин“, вели Карлсон во видеото објавено на социјалните мрежи.  „Очигледно, има ризици поврзани со спроведување на такво интервју.

Карлсон, кој е познат по запалива реторика и ширење теории на заговор, рече дека дел од неговата должност е „да ги информира луѓето“.

„Две години од почетокот на војната што го преобликува целиот свет, повеќето Американци не се информирани“, рече тој, обвинувајќи ги „корумпираните“ медиуми.

Карлсон беше отпуштен од неговата моќна позиција во Фокс њуз минатата година поради скандали и тужби со кои се соочува каналот поради неосновани тврдења за изборна измама.

Набргу потоа, тој започна свое шоу на социјалната платформа Х.

Можете да прочитате

Добитник освоил џекпот од 112 милиони долари на лотарија во САД

Афера го тресе Пентагон, клучен советник буквално истеран од зградата

Британски ловци полетале два пати за да го заштитат воздушниот простор на НАТО од руски авиони