Утрински Весник
Свет

Америка изврши напад во Сирија, има загинати

Америка изврши напад во Сирија, има загинати

Деветнаесет лица загинаа во американски воздушни напади врз позициите на проиранските борци поврзани со Револуционерната гарда на Иран во источна Сирија.

dobivaj vesti na viber

Ова денеска го соопшти Сириската опсерваторија за човекови права со седиште во Велика Британија.

Воен набљудувач рече дека во американските воздушни напади загинале тројца сириски војници, 11 сириски борци во провладините фракции и пет несириски борци поврзани со владата, пренесува Ројтерс.

Шефот на набљудувачката мисија во Сирија, Рами Абдел Рахман, не можеше да ја прецизира националноста на жртвите од американските воздушни напади.

Американскиот претседател Џо Бајден во петокот го предупреди Иран дека САД „ќе возвратат насилно“ за да ги заштитат своите граѓани.

Иран беше клучен сојузник на сирискиот претседател Башар ал Асад за време на 12-годишниот конфликт во Сирија.

Проирански фракции, вклучувајќи ја либанската организација Хезболах и групи од Ирак контролираат делови од источна, јужна и северна Сирија и предградијата околу главниот град.

Зголеменото присуство на Техеран во Сирија редовно предизвикува израелски воздушни напади, но воздушните напади на САД се поретки.

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади