Легендата на Манчестер сити, Серхио Агуеро во средата доживеа срцева аритмија во живо додека траеше неговата емисија на Твич, потсетувајќи ги неговите фанови дека се повлече од фудбалот поради проблеми со срцето.
34-годишниот Агуеро по пензионирањето стана популарен со својот канал на Твич каде што често има славни фудбалери како гости. Овојпат тој беше покрај Ибаи Лјанос и одеднаш сопре со зборување и ја стави раката на градите.
„Што се случува човеку“, го праша Лјанос.
„Мислам дека имав мини-аритмија“, одговори Агуеро.
„Да одиме на доктор веднаш?“, праша Лјанос.
„Не, не. Бидејќи имам чип и тој славен чип ќе ја детектира аритмијата и ќе прати сигнал“, одговори Агуеро, по што продолжи со програмата.
Агуеро се повлече од фудбалот во декември 2021 откако мораше да излезе од игра на мечот на Барселона против Алавес жалејќи се на болки во градите. По ова му беше дијагностицирана срцева аритмија и тој се пензионираше од фудбалот.
😳🫀 Sergio Kun Aguero @aguerosergiokun suffered a mini heart arrhythmia live on his Twitch stream while @IbaiLlanos asked him if he needed a doctor. 🚨
— beIN SPORTS USA (@beINSPORTSUSA) March 30, 2023
