Германскиот производител на спортски производи Адидас АГ планира да го прекине партнерството со американскиот рапер и дизајнер Канје Вест, по налетот на навредливо однесување, објави „Блумберг њуз“ во вторникот, цитирајќи луѓе запознаени со ова прашање.
„Адидас“ може да го објави потегот уште во вторник, се додава во веста. Раперот, кој сега се вика Је, дал контроверзни изјави, вклучително и антисемитски објави на социјалните мрежи во последните недели.
„Адидас“ не одговорил на барањето на „Ројтерс“ за коментар. Ниту Канје не бил достапен за коментар.
„Адидас“ на 6 октомври соопшти дека го преиспитува своето деловно партнерство со раперот и моден дизајнер.
