Париз, 19 мај 2020 (МИА) – Директорот за фудбалски развој во ФИФА, Арсен Венгер, верува дека не треба да има трансфер прозорец во јануари.
– Јас сум за тоа да се отстрани јануарскиот преоден рок. Тренерите не се справуваат добро со овој втор прозорец. Во октомври, веднаш штом одреден играч не игра, тој веќе се обидува да најде нов тим и чека да замине во јануари. Тој повеќе не е мобилизиран и се предава. Кога ќе направите грешка, играчот страда исто колку и клубот. Мора да ја преземете таа одговорност, изјави Венгер пред „Екип“.
