Рим, 17 мај 2020 (МИА) – Играчот од средниот ред на Рома, Николо Ѕаноло, може да го напушти клубот. Според „Кориере дело спорт“, долговите на Римјаните за претходниот квартал достигнале 278,5 милиони евра, а, со оглед на неизвесноста со купувањето на клубот од страна на бизнисменот Дан Фридкин, една од опциите за намалување на долговите и загубите, е продажба на клучни играчи, вклучувајќи го и Ѕаноло.
Дваесетгодишниот играч од средниот ред е во областа на интерес на Ливерпул, иако главниот тренер на тимот од Мерсисајд, Јирген Клоп, не го смета за приоритетен за купување.
Забележано е дека пред кризата предизвикана од пандемијата на коронавирус, Ѕаноло се проценуваше на 80 милиони евра.
Претходно беше објавено дека Јувентус е заинтересиран за Италијанецот и е подготвен да го вклучи во трансферот фудбалерот од средниот ред Федерико Бернардески. зс/
