Тетово, 8 мај 2020 (МИА) – Општина Тетово информира дека вечерва треба да се изврши дезинсекција против возрасни комарци и други штетници. Поради тоа, се апелира до пчеларите да ги преземат потребните заштитни мерки.
– Поради дезинсекцијата, потребно е засолнување на пчелите во нивните сандаци, обезбедување на потребната количина вода и да не ги напуштаат своите сандаци 5-6 часа по третманот на територијата, информираат од општината.
Дезинсекцијата ќе се изврши во вечерните часови по 21 часот до раните утрински часови следното утро, доколку временските услови се поволни.
-Во случај на дожд или силен ветер, дезинсекцијата ќе биде откажана за следниот ден или за друг ден со подобри климатски услови, соопштуваат од општината. ас/бак/
