Тетово, 24 април 2020 (МИА) – Членовите на младинскиот форум и преставнички на форумот на жените на партијата Движење Беса денеска во Тетово на случајните минувачи им доделуваа бесплатна заштитна опрема. Маски и ракавици делеа во центарот на градот.
-Идејата е да ги сензибилизираме луѓето да ги носат маските и ракавиците. Како прво да се заштитат себе си и граѓаните околу себе. Има околу 2.000 маски, ама како што се гледа, луѓето се заинтересирани ги почитуваат мерките. Сите што сме им пружиле заштитна опрема ја прифаќаат, изјави Хатије Етеми.
Таа посочи дека на овој начин ги поттикнуваат граѓаните да ги дадат придонес во битката против Ковид-19. ас/сст/
