Тетово, 23 април 2020 (МИА) – Во Тетово вчера на 52 години ненадејно почина Горан Чавдаровски, долгогодишен спортски работник во атлетиката. Настапувал како атлетичар во клубот Љуботен во повеќе дисциплини, бил член на репрезентација како и носител на рекорд во младински категории на Македонија. Тој го формира атлетскиот клуб Тетово во 1983 година, каде бил тренер, а извршувал активности и во атлетската федерација. Чавадаровски е роден 1967 година, а беше и професор по физичко воспитание во основното образование.
Денеска на 73 години почина Томо Каталиниќ, ракометар и ракометен тренер.
-Томо Каталиниќ беше истакнат спортски работник, ракометар на РК „Шик Јелак“, тренер на РК „Шик Јелак“ (1978/1983), РК „Љуботен“ (1984/1989) и РК „Кромак“ (2016-2018), основач на ракометната школа на МХД Тетово (2013), основач на РК Кромак Тетово (2016) и ракометен судија во Прва македонска лига. Има завршено Виша педагошка школа.Томо Каталиниќ беше заедно со нас од основањето на здружението и активен сè до последните денови. Беше и член на управниот одбор на МХД во неколку состави, меѓу кои и на актуелниот, соопштија од Македонско Хрватско Друштво Тетово.
Погребот на Каталиниќ е утре, 24.04.2020 година, во 12 часот на градските гробишта во Тетово. ас/ир
