Рим, 18 април 2020 (МИА) – Останатите натпревари од сезоната во италијанската Серија А можат да се одвиваат во ограничен број градови, пренесува „Кориере дело Спорт“. Фудбалската сезона во Италија беше прекината поради пандемијата на коронавирус.
Како што наведува изворот, се разгледува опцијата според која средбите ќе се одржат во Рим, Фиренца и Неапол. Оваа листа може да вклучува друг град кој сè уште не е именуван.
Датумот на продолжување на сезоната е сè уште непознат. зс/
