Кичево, 16 април 2020 (МИА) – Безбедносната состојба на подрачјето на СВР Охрид, каде спаѓа и Кичево е стабилна. Изминатото деноноќие, во периодот од 19 часот вчера до 7 часот денеска жителите во целост ја почитувале забраната за движење согласно мерките за заштита и спречување на ширењето на коронавирусот. Во истиот период, нема нарушувања на јавниот ред и мир, не се регистрирани кражби и сообраќајни незгоди.
Ова денеска го истакна портпаролот на СВР Охрид, Стефан Димоски. Посочи дека непречено се одвива контролата на лица кои се под мерките задолжителен државен карантин, здравствен надзор и домашна изолација и задолжителна 14 – дневна самоизолација. Евидентирани се 20 нови лица во самоизолација, од кои три во Кичево и извршени се 370 контроли врз овие лица од кои на 20 во Кичево.
Полициските службеници извршија 96 контроли на угостителски објекти од кои на 37 во Кичево. рф/рп/
