Берово, 3 април 2020 (МИА) – Продолжува спроведувањето на мерки за заштита од Ковид-19 во селските средини во Берово. За таа цел како што информираа локалните власти денес беше извршена дезинфекција на улиците во селата Митрашинци и Будинарци.
-Следејќи ги препораките на Владата на РСМ, а се во интерес на јавното здравје, општина Берово изврши дезинфекција на улиците во споменатите села. Како една од мерките за превенција од Ковид-19, продолжуваме и понатаму да работиме во интерес на граѓаните, со цел да се заштитиме и да не дозволиме овој вирус да земе големи размери во нашата општина, истакнаа надлежните.
Изминатиот период како што додадоа општината презеде низа мерки за заштита и превенција, дезинфицирајќи ги улиците во Берово, јавните површини, урбаната опрема, детските реквизити.
Со исто темпо, како што додадоа ваквите акции ќе продолжат и во наредниот период. Во Берово како и во останатите општини од крајниот Исток досега нема случај на заразени лица од Ковид-19. вс/ир
