Струмица, 28 март 2020 (МИА) – Од синоќа Народниот театар „Антон Панов“ од Струмица почна со онлајн прикажување претстави.
На почеток, по повод Светскиот ден на театарот, беше прикажана претставата „Ни ќар ни зијан” од Братислав Димитров во режија на Синиша Евтимов.
Вечер со почеток во 20 часот, на „јутјуб“ каналот на театарот, љубителите на оваа уметност ќе можат да ја проследат „Вртелешка“ од Артур Шницлер во режија на Драгана Таневска.
-Планираме да прикажеме над 20 претстави кои се снимени и ги имаме во нашата ризница. На онлајн репертоарот ќе се најдат претстави кои не ги играме, а меѓу нив ќе има од секаков жанр, а во неделите ќе прикажуваме детски претстави, информираше раководителот на струмичкиот театар, Драган Маџиров.рт/ир
