Утрински Весник
Македонија

Гостиварскиот кризен штаб бара да се забрани делење на заштитни маски произведени во домашни услови и делење на храна

Гостиварскиот кризен штаб бара да се забрани делење на заштитни маски произведени во домашни услови и делење на храна
Screenshot

Гостивар, 26 март 2020 (МИА) – Заштитни маски произведени во домашни услови и работилници нема да се делат низ Гостивар, а донациите од храна и други продукти ќе се делат само координирано и според дадени насоки од стручни лица.

Според градоначалникот на Општина Гостивар, Арбен Таравари делењето на такви маски треба да се забрани, додека не се утврди нивната безбедност од стручни лица и институции.

Whatsapp Image 2024 05 16 At 11.05.40 (1)

– Добрата намера и хуманитарност, во ваков случај може да предизвика контра ефект, па наместо да помогнеме, ние ќе почнеме да ја шириме заразата. Не знаеме ниту каде се произведени, ни дали лицата што ги прават, се здрави. Маските мора да се стерилни и да се со соодветен сертификат за безбедност. Јас еден таков случај пријавив во полиција и побарав да се забрани дистрибуцијата на ваквите маски, рече Таравари.

Кризиниот штаб за справување со пандемијата во гостиварскиот регион побара да се стопира и делењето на помош во храна, хигиенски производи и облека. Таравари смета дека ваквите активности на здруженија и поединци мора да се во координација со соодветните служби и институции и најави присуство на претставници на Црвениот крст на следниот состанок на кризниот штаб.згм/фф/

Извор: mia.mk

Можете да прочитате

Ален: Бевме разочарани кога видовме дека Сиљановска Давкова не го користи целосното име Северна Македонија

Велешанец при собирање печурки го погодил проектил од огнено оружје во левата нога

Детектор анкета: Секој трет размислува да се исели од Македонија