Скопје, 25 март 2020 (МИА) – Новороденчињата и предшколските деца може да се вакцинираат во редовен термин, а за школските деца вакцината може да се одложи два до три месеца. Тоа е стручно мислење на Комитетот за имунизација, рече министерот за здравство Венко Филипче, одговарајќи на новинарско прашање на редовната прес-конференција во Владата.
Во однос на опасноста од ширење на вирусот при учество на верски собири, Филипче повтори дека забраната за масовни собири од Владата важи за сите.
-Има важечка забрана за какви било масовни собири од страна на Владата. Никој не би требало да повикува ова да се прекршува без оглед на тоа кој е организаторот, истакна Филипче.лв/скс/
