Утрински Весник
Економија

Ангеловска-Бежоска за МИА: Денарот е и ќе остане стабилен, депозитите сигурни

Ангеловска-Бежоска за МИА: Денарот е и ќе остане стабилен, депозитите сигурни

Скопје, 19 март 2020 (МИА) – Девизниот курс на денарот останува стабилен и нема да има промени во неговото ниво, изјави денеска за МИА, гувернерката на Народната банка, Анита Ангеловска-Бежоска, по одржувањето на седницата на Комитетот за финансиска стабилност.

Таа додаде дека централната банка располага со низа инструменти со кои ја гарантира стабилноста на денарот, а вчера, на прес-конференцијата за економските мерки, напомена дека девизните резерви што се клучни за курсот на домашната валута се одржуваат на високо ниво, што е двојно повисоко од нивото пред глобалната економска криза во 2008 година.

– Заштедите на граѓаните во банките и штедилниците се сигурни и безбедни. Депозитите и сите други услуги што ги нудат овие финансиски институции, и натаму се достапни како и досега, вели гувернерката.

Претходно, по одржувањето на седницата на Комитетот за финансиска стабилност, Народната банка и Министерството за финансии, заеднички соопштија дека банкарскиот систем е отпорен на потенцијалните шокови што е и гаранција за одржувањето на финансиската стабилност во земјата. Ангеловска-Бежоска и во изјавата за МИА напоменува дека тој е здраво и стабилно јадро во домашната економија.

Во текот на денот се огласија и од Македонската банкарска асоцијација со потврда дека услугите на нивните членки – банките и штедилниците, за клиентите се достапни и по прогласувањето вонредна состојба.скс/сст/

Извор: mia.mk

Можете да прочитате

Ќе се осмели ли Владата конечно да ги ограничи цените на основните продукти?

(Видео) Министерката за финансии одела и гасела светла по канцеларии навечер, немале ни кафе на работа

Берзата во август: Ова се компаниите со најтргувани акции