Скопје, 19 март 2020 (МИА) – Времето во земјава ќе биде сончево со мала локална облачност и со слаб до умерен северен ветер.
Утринската температура ќе се движи од минус 4 до 3, а дневната од 12 до 18 степени.
Во Скопје сончево со мала локална облачност и со слаб до умерен северен ветер. Утринската температура ќе се спушти до нула, а дневната ќе достигне до 17 степени.
До сабота ќе се задржи стабилно време со постудени утра и со постепен пораст на дневната температура. Во недела ќе преовладува облачно време со врнежи од дожд кои во текот на ноќта и во понеделник поради значителното заладување на места ќе преминат во снег. Ќе дува умерен, повремено засилен северен ветер.
