Велес, 17 март 2020 (МИА) – Поради новонастанатата состојба со вирусот Ковид-19, градоначалникот на Општина Велес Аце Коцевски до заедниците на сопственици-станари во колективните објекти за домување на територијата на оваа општина апелира на зголемена хигиена во влезовите на зградите, порумските и гаражните делови.
– Иако колективните објекти – зградите не се јавни објекти, туку се во сопственост на станарите, сакам да апелирам на зголемена хигиена во влезовите на зградите, подрумските и гаражните делови, како и сите други делови од зграда кои припаѓаат во етажна (заедничка) сопственост на станарите, порача Коцевски.
Градоначалникот Коцевски апелира до сите граѓани да се придржуваат до мерките, да бидат одговорни, затоа што се работи за јавното здравје, која, како што рече, е заедничка одговорност.ад/фф/
