Утрински Весник
Македонија

Сопствениците на кафулињата во Свети Николе ги затвораат своите објекти

Сопствениците на кафулињата во Свети Николе ги затвораат своите објекти

Свети Николе, 14 март 2020 (МИА) – Во Свети Николе сопствениците на кафулињата ги затвораат своите објекти, како превентива против ширењето на Ковид 19. Овој град е прв во источниот регион кој носи вакви мерки, за поголема заштита на младите и нивно собирање по кафулињата.

Градоначалникот на Општина Свети Николе, Сашо Велковски за МИА вели дека ваква одлука донеле три кафе барови, во коишто младите, но и граѓаните ги посетуваат. Додека останатите угостителски објекти, пицерии и кафеани до понеделник ќе ја донесат одлуката, дали целосно ќе ги затворат своите објекти или ќе работат до 18 часот.

Како градоначалник на Свети Николе упатувам јавна благодарност до кафе баровите од нашиот град Plan B Fenix и kафе бар Plazza ,за прекин на работењето во идните денови. Истите не само што сериозно ја сфатија новонастанатата ситуација и препораките од Владата за ширење на корона вирусот, туку и отидоа чекор напред и го прекинуваат работењето на кафетериите, вели Велковски.

Тој апелира и  до останатате угостители во Свети Николе да тргнат какошто вели по патот на овие храбри потези на  нивните колеги. Велковски забележува дека денеска бил пазарен ден во Свети Николе, но граѓаните биле совесни и не се задржувале на пазарот, туку ги купувале своите намирници и веднаш си заминувале. вдј/дма/

Извор: mia.mk

Можете да прочитате

На Деве Баир уапсен Турчин, приложил фалсификувани документи

ИЈЗ потврди морбили кај 12-годишно дете: Се работи за увезен случај од Србија

Полицијата вршела претрес во неговиот дом, а тој пред нив проголтал хероин – итно го однеле во болница