Скопје, 13 март 2020 (МИА) – На отворената веб страница на Министерството за здравство http://zdravstvo.gov.mk/korona-virus/, покрај владините препораки, упатства за заштита и постапување, листата на земји со ниско, средно и со високо ниво на ризик, е поставена и информација за тоа колку е опасен Ковид-19 и кои се симптомите и манифестaциите на болеста.
– Како и другите респираторни заболувања, инфекцијата со 2019-nCoV може да предизвика умерени симптоми вклучително: течење на носот, болки во грлото, кашлица и треска. Кај некои лица може да се јави потешка клиничка слика, односно може да дојде развој на пневмонија или тешкотии во дишењето, се наведува меѓу другото во инфомацијата.
Има одговори и за тоа дали може Ковид-19 може да се пренесе од човек на човек, кој се може да се зарази, кој е изложен на ризик од развој на потешки симптоми, колку долго вирусот преживува на површини (линк до информацијата). са/сп/
