Штип, 12 март 2020 (МИА) – Општина Штип од вечерва почна со дополнителните мерки против ширењето на коронавирусот. Штипските пожарникари и вработени на комуналното претпријатие „Исар“ почнаа со дезинфекцијата на улиците и садовите за смет. Градоначалникот на Општина Штип, Благој Бочварски на социјалните мрежи објави фотографии, како екипите работат низ улиците во централното градско подрачје и низ населбите.
–Во моментот започнавме со превземање на дополнителни мерки и активности за превенција од ширењето на COVID-19 во градот преку ЈП „Исар“ и противпожарната единица. Овие превентивни активности се одвиваат вечерва и ќе продолжат утре во текот на денот, вели Бочварски.
Тој апелира до граѓаните да ги почитуваат мерките кои се препорачуваат од Министерството за здравство. вдј/са/
