Крушево, 6 март 2020 (МИА) – Спортската сала во Крушево е речиси целосно реконструирана, се поставуваат столчињата и се работи на инсталација на системот за греење и ладење за салата да биде функционална и лете и зиме.
Овој проект, информираше градоначалникот Томе Христоски,е започнат минатата година и внимателно се имплементира за да се обезбеди квалитет и долгорочност на салата.
Реконструкцијата на спортската сала во Крушево е дел од Проектот за локална и регионална конкурентност, потпроект „Кругот на адреналинот – развој на авантуристички туризам во Крушево“, а финансиран од ЕУ и администриран од Светска Банка. ем/цр
