Гевгелија,14 февруари 2020 (МИА) – Денот на лозарите „Свети Трифун“ христијанскиот празник за кого гевгеличани веруваат дека е заштитник на лозјата и сите други посеви,денеска скромно и симболично беше одбележан на лозовите насади во општина Гевгелија.
Традиционално, веќе неколку години по ред, симболичното закројување се одржа веднаш по празничната литургија во дворот на црквата „Света Петка“ каде присуствуваше и градоначалникот Сашо Поцков кој на лозарите им посака богат род и бериќетна година.
Лозарите и винарите од гевгелиско вековниот обичај на закројување на лозјата го направија уште во претпладневните часови речиси во сите населени места во општината. им/нд/
