Берово, 12 февруари 2020 (МИА) – Општина Берово аплицираше за реконструкција и адаптација на третата ламела од Дом за стари лица. Во рамки на Регионалните форуми општината поднесе предлог проект, кој како што информираат од општината се однесува на доизградба на третиот дел од установата.
-На последниот одржанан регионален форум учествуваа 11 општини од Источно плански регион, истакнати беа неколку предлози, од кои Општина Берово го истакна предлог проект за Реконструкција и адаптација на трета ламела од Дом за стари лица во Берово. Реализацијата на проектот ќе биде од огромно значење бидејки со тоа целокупно ќе биде заокружена целината на установата, истакнаа од општината.
Со предлог-проектите како што додадоа е исполнет клучниот услов за социјална инклузија на лицата од идентификуваните ранливи и маргинализирани групи на население.
-Се работи за категорија граѓани кои подлежат на социјален ризик, а со реализацијата на проектот тие треба да бидат во функција на обезбедување недискриминација и афирмирање на социјалниот диверзитет, додадоа надлежните.
Според планираното во наредниот период ќе се одржат уште две форумски сесии, од кои на третата, ќе се одбере еден проект кој ќе биде реализиран, со средства од Швајцарската агенција за развој. Форумот ќе заврши во ноември, кога ќе биде презентиран реализираниот проект. вс/сст/
