Македонска Каменица, 11 февруари 2020 (МИА) – По повод претстојниот празник Свети Трифун, задутре во Домот на култура во Македонска Каменица ќе се одржи концерт на староградска музика.
Концертот го организира Културно-информативниот центар „Романса“, а ќе настапат неколку групи и оркестри. Влезот е бесплатен.
-Учество потврдија женската пејачка група „Ѓурѓа“ со оркестарот „Пијанечки еснафи“ и женскиот квартет „Квинс“. Ќе изведат македонски староградски песни во посебни и препознатливи аражмани за нив. Сметаме дека ова е убав повод во пресрет на празникот на виното и љубовта на публиката да и понудиме вистинско музичко уживање, истакна директорот на „Романса“, Горан Огановски.
Потребните средства за организација на овој настан се обезбедени од буџетот на Општината. вс/мч/
