Утрински Весник
Свет

Два напада врз танкери во близина на Оман

Ormuskata tesnina1.webp.webp

Танкер што пловел кон излезот од Ормуската Теснина бил погоден од проектил во задниот дел на бродот, на околу 11 наутички милји северно од оманскиот град Хасаб, соопшти денеска Британската поморска трговска организација (УКМТО).

УКМТО подоцна соопшти за уште еден инцидент во кој танкер беше погоден од непознат проектил во машинската соба, 17 наутички милји источно од Хасаб.


Во инцидентите нема повредени, а се уште не е познат степенот на можно загадување на животната средина, соопшти УКМТО.

Инцидентите уследија по сличен напад на танкер во близина на Хасаб во петокот, кој предизвика пожар на бродот, според британската агенција за поморска безбедност.

Хасаб се наоѓа на полуостровот Мусандам во Оман, на влезот во Теснината, стратешки важен морски премин низ кој поминувала речиси една петтина од светските резерви на сурова нафта пред нападите на САД и Израел врз Иран.

Поморскиот сообраќај низ Тесниата беше во прекин откако Иран, по избувнувањето на конфликтот на 28 февруари, презеде мерки за затворање.

Можете да прочитате

Земјотрес со јачина од 6,7 степени ги погоди перуанските Анди

Синдикатот на вработените во ЕК го критикуваше молчењето за големиот кибернапад

Потоп на светските берзи – избришани речиси 9.000 милијарди долари