Утрински Весник
Балкан

Вучиќ првпат говореше како опозициски пратеник и веднаш влезе во расправија

Img 8247 1.jpeg

Поранешниот српски претседател Александар Вучиќ денеска првпат се обрати во новиот состав на Собранието на Србија како опозициски пратеник. Неговото обраќање на конститутивната седница почна со долг аплауз од сопартијците, по што следуваше остра расправија со Јово Бакиќ, шефот на пратеничката група на Студентската листа. 

Расправијата почна откако од клупите на новото парламентарно мнозинство се слушнаа забелешки за прекршување на собранискиот деловник. Вучиќ побара да му се дозволи да го заврши говорот, а Бакиќ обвини дека поранешниот претседател го прекршува деловникот и дека претседавачот Стојан Раденовиќ не го опоменува. Во тој момент Собранието расправаше за кандидатурата на Раденовиќ за претседател на парламентот. 


За време на говорот Вучиќ се наврати и на изборната ноќ на 25 октомври. Тој тврдеше дека околу 150 луѓе го опколиле автомобилот во кој се наоѓал и се обиделе да го превртат. Рече дека првпат јавно зборува за тоа и дека за настанот постојат службени белешки. Вучиќ ги отфрли и обвинувањата дека по изборниот пораз планирал државен удар и употреба на безбедносните сили против политичките противници. 

Вучиќ претходно поднесе оставка од претседателската функција за да ја предводи листата „Александар Вучиќ – Обединета Србија“ на парламентарните избори. Неговата листа освои 103 пратенички мандати, а Студентската листа обезбеди парламентарно мнозинство. Со тоа Српската напредна партија (СНС) влезе во новиот собраниски состав како опозиција.

Можете да прочитате

Загина пилот при пад на воен „МиГ-29“ во Србија, формирани комисии за истрага

Лидија Вукиќевиќ полеана со јогурт пред конститутивната седница на српскиот парламент

(Фото) Се урна српски воен авион