Јавен обвинител од Основното јавно обвинителство за гонење организиран криминал и корупција обезбедил судски наредби за претрес на домот и службените простории на виш јавен обвинител во Вишото јавно обвинителство Битола.
Според информациите од Обвинителството, постојат основи на сомнение дека обвинителот сторил кривично дело „Примање награда за противзаконито влијание“, предвидено во член 359 став 3 во врска со став 2 од Кривичниот законик.
Претресите се вршат врз основа на судски наредби, а дејствијата на терен ги спроведуваат припадници на Министерството за внатрешни работи.
Од Обвинителството најавуваат дека повеќе детали за случајот ќе бидат соопштени по завршувањето на дејствијата, во текот на утрешниот ден.
