Четири лица од Битола биле приведени рано утринава по тепачка во казино во градот, при што, според полицијата, бил нападнат и вработен во обезбедувањето.
Инцидентот се случил на 5 октомври околу 03:15 часот во казино на улицата „Димитар Илиевски Мурато“ во Битола.
Полициски службеници од СВР Битола ги лишиле од слобода М.Н.(40), Ш.К.(41), А.Ј.(29) и Д.Р.(34), сите од Битола.
Според пријавеното, четворицата го нарушиле јавниот ред и мир со меѓусебна физичка пресметка, а во еден момент физички нападнале и вработен во обезбедувањето на казиното.
Од МВР информираат дека по целосно документирање на настанот ќе следува соодветен поднесок.
