Европската автомобилска индустрија е во длабока криза и нејзините претпријатија се затвораат, додека луѓето во Европа наскоро главно ќе возат кинески автомобили, изјави рускиот претседател Владимир Путин.
„Каде е европската автомобилска индустрија? Во длабока криза. Претпријатијата се затвораат. Наскоро сите ќе возиме кинески автомобили. Дали тоа е добро или лошо, не знам, но тие се достапни и со висок квалитет“, рече Путин на пленарната седница на клубот за дискусија „Валдај“ во Москва, како што пренесе „Комерсант“.
Путин истакна дека кинеските автомобили веќе масовно се користат во Русија и ја оцени соработката меѓу двете земји како заемно корисна.
Тој додаде дека уделот на руските индустриски производи на кинескиот пазар постојано расте.
