Утрински Весник
Македонија

Протестен марш во Скопје за поддршка на осудените водачите на ОВК

Image 2026 09 27 182810551.png

Денеска со почеток во 14 часот во Скопје се одржа протестен марш во знак на поддршка за поранешниот претседател на Косово, Хашим Тачи, и за останатите тројца поранешни водачи на Ослободителната војска на Косово (ОВК) – Јакуп Красниќи, Реџеп Селими и Кадри Весели.

Собирот започна кај споменикот „Скендербег“, каде што присутните граѓани носеа транспаренти со пораките „Слобода“ и „Правда“. На протестот присуствуваа и лидерот на ДУИ, Али Ахмети, како и претседателот на Алијансата за Албанците, Зијадин Села.


Според организацискиот совет, на маршот беа поканети семејства на загинати, ветерани, воени инвалиди, поранешни политички затвореници, како и претставници од верскиот, академскиот и граѓанскиот сектор.

Реакцијата и протестот следуваат откако Специјализираниот совет во Хаг на 16 септември донесе първостепена пресуда со која Тачи и Красниќи беа осудени на по 25 години затвор, Весели на 18, а Селими на 13 години затвор за воени злосторства, додека беа ослободени од обвиненијата за злосторства против човештвото. Пресудата подлежи на право на жалба.

Извор: 4news.mk 

Можете да прочитате

Итни законски измени и одговорност од институциите бараат организациите по седумте фемициди годинава

Николоски: Од 1 јануари државата ќе биде единствен организатор на онлајн игрите на среќа и ВЛТ терминалите

Отворено психолошко советувалиште во Црвениот крст