Македонскиот боксер Ален Рустемовски не успеа да избори финале на Европското првенство во бокс во Софија.
Тој во денешната полуфинална борба загуби на поени со 4:1 од Украинецот Аидер Абдураимов.
За Рустемовски ова е секако голем резултат бидејќи веќе испиша историја со пласман во полуфиналето бидејќи обезбеди бронзен медал.
Ова е негов најдобар резултат во кариерата, откако пред еден месец освои бронзен медал и на Медитеранските игри во Таранто.
