Тешка сообраќајна несреќа се случи денеска во близина на Собранието во центарот на Скопје, при што, според првичните информации, повредени се две лица.
На местото на настанот веднаш пристигнала екипа на Итната медицинска помош, која им укажала прва помош на повредените, по што тие биле пренесени во болница за понатамошен третман.
Во судирот учествувале две патнички возила, кои се видно оштетени, а од силината на ударот бил урнат и семафорот на раскрсницата. Според очевидци, возилата се движеле со голема брзина пред да дојде до силниот судир.
На терен интервенира и полицијата, која врши увид и го регулира сообраќајот. Засега не се познати причините за несреќата, а повеќе информации се очекуваат по завршувањето на увидот.
