Основниот кривичен суд донесе одлука за определување мерка притвор за осомничениот возач на камионот кој учествуваше во тешката сообраќајна несреќа на скопската обиколница.
Како што информираат од Судот, мерката била изречена доцна синоќа, а како причини за определување на притворот се наведуваат опасноста од бегство, како и можноста осомничениот да го повтори кривичното дело.
Од Основниот кривичен суд засега не соопштуваат повеќе детали во врска со случајот, додека истрагата за несреќата и натаму е во тек.
Сообраќајката на скопската обиколница предизвика големо внимание во јавноста, а надлежните институции продолжуваат со активности за целосно расчистување на околностите под кои се случил инцидентот.
