Комитетот за национална безбедност и надворешна политика на иранскиот парламент работи на деталите од план од 12 точки што би го ставил стратешкото управување со Ормутскиот теснец под иранска контрола, објави иранскиот весник „Тасним“ .
Членот на парламентарниот комитет, Фадахосеин Малеки, во саботата потврди дека разгледувањето на планот е на дневен ред и дека некои од неговите одредби веќе се одобрени. Малеки објасни дека предлогот се состои од 12 точки и дека преостанатиот дел ќе биде дискутиран на идните седници за да се подготви конечен извештај.
Претставникот нагласи дека организирањето на преминот и транзитот на бродовите низ Ормутскиот теснец е клучен приоритет за парламентот и другите надлежни тела и додаде дека одлуките за ова прашање ќе ги донесе Иран.
Тој ја нагласи потребата од регулирање на поморскиот сообраќај во овој стратешки воден пат и истакна дека, според планот, ќе бидат воведени такси за бродовите, по примерот на практиката што постои на многу други меѓународни водни патишта.
Иран неодамна објави планови за воведување на такси, наведувајќи ја потребата за покривање на зголемените трошоци за безбедност. Пратениците објаснија дека таксите ќе варираат во зависност од видот и количината на товар, како и поврзаните ризици.
Висок ирански функционер на 23 април објави дека Иран веќе ги добил првите приходи од таксите што им се наплаќаат на странските бродови за минување низ Ормутскиот теснец. Парите, како што беше објавено, се депонирани во Централната банка на Иран.
