Иранскиот заменик-министер за млади и спорт, Алиреза Рахими, го повика населението, вклучително младите, уметниците и спортистите, да формира живи синџири околу електроцентралите низ земјата, како реакција на заканите од САД за напади врз енергетската инфраструктура.
Тој апелираше акцијата да се одржи во 11:30 часот по средноевропско време, истакнувајќи дека целта е да се испрати порака против нападите врз цивилни објекти.
„Ќе се држиме за раце за да покажеме дека нападите врз јавната инфраструктура се воено злосторство“, изјави Рахими во видео-порака пренесена преку медиумите.
Повикот следува по заканите на американскиот претседател Доналд Трамп дека САД ќе извршат напади врз цивилна инфраструктура во Иран, вклучително мостови и електроцентрали доколку не биде отворен Ормускиот теснец.
